عشق سے کچھ کام نے کچھ کوئے جاناں سے غرض

عشق سے کچھ کام نے کچھ کوئے جاناں سے غرض

گل سے مطلب ہے نہ کچھ خار بیاباں سے غرض

عشق کی سرکار کو بے باک بالکل کر چکے

اب نہ کچھ زنجیر سے مطلب نہ زنداں سے غرض

کس سے ہم جھگڑیں نہیں اپنا کسی ملت میں میل

عشق کے بندے کو کیا گبر و مسلماں سے غرض

عالم وحشت میں عریانی کا جامہ چاہئے

کام ہاتھوں کو گریباں سے نہ داماں سے غرض

تیری نظروں میں نہ ٹھہرے گا یہ روئے آفتاب

تجھ کو اے اخترؔ نہ ہوگی ماہ تاباں سے غرض

ishq se kuchh kam ne kuchh ku-e-janan se gharaz

gul se matlab hai na kuchh khar-e-bayaban se gharaz

ishq ki sarkar ko be bak bilkul kar chuke

ab na kuchh zanjir se matlab na zindan se gharaz

kis se ham jhagren nahin apna kisi millat mein mel

ishq ke bande ko kya gabr-o-musalman se gharaz

alam-e-wahshat mein uryani ka jama chahiye

kam hathon ko gareban se na daman se gharaz

teri nazron mein na thahrega ye ru-e-aftab

tujh ko ai akhtar na hogi mah-e-taban se gharaz