عشق جان جہاں نصیب ہوا

عشق جان جہاں نصیب ہوا

اک زمانہ مرا رقیب ہوا

مر گئے ہم مسیح کے دم میں

یہ بھی اک واقعہ عجیب ہوا

ان سے کہہ دو کہ آپ پر عاشق

بیکس و بے وطن غریب ہوا

نہ سنے نالے کیا کسی گل نے

تجھ کو کیا رنج عندلیب ہوا

پاس آداب حسن یار رہا

عشق میرے لیے ادیب ہوا

جب نکیرین نے سوال کیے

یا علیؑ کہہ کے میں مجیب ہوا

میرا سر ہوگا اور ان کے پاؤں

یاور اپنا اگر نصیب ہوا

جب ہوا قبر میں سوال اے مہرؔ

یا علیؑ کہہ کے میں مجیب ہوا

ishq jan-e-jahan nasib hua

ik zamana mira raqib hua

mar gae ham masih ke dam mein

ye bhi ik waqia ajib hua

un se kah do ke ap par ashiq

bekas-o-be watan gharib hua

na sune nale kya kisi gul ne

tujh ko kya ranj andalib hua

pas adab-e-husn-e-yar raha

ishq mere liye adib hua

jab nakirain ne sawal kiye

ya ali kah ke main mujib hua

mera sar hoga aur un ke paon

yawar apna agar nasib hua

jab hua qabr mein sawal ai mehr

ya ali kah ke main mujib hua