عشق سے بچ کے کدھر جائیں گے ہم

عشق سے بچ کے کدھر جائیں گے ہم

ہے یہ موجود جدھر جائیں گے ہم

تن کے بس رکھئے قبضہ پر ہاتھ

دیکھیے مفت میں ڈر جائیں گے ہم

تیری دہلیز پر اپنے سر کو

ایک دن کاٹ کے دھر جائیں گے ہم

وہ یہ کہتے ہیں نہ دے دل ہم کو

دیکھ لیتے ہی مکر جائیں گے ہم

منع کرتے ہو عبث یارو آج

اس کے گھر جائیں گے پر جائیں گے ہم

دل کی لینی ہے خبر ہم کو ضرور

آج تو پھر بھی ادھر جائیں گے ہم

دم کہیں لیں گے نہ پھر تا بہ عدم

تیرے کوچہ سے اگر جائیں گے ہم

تو نہ گزرے گا جفا سے ظالم

جان سے اپنی گزر جائیں گے ہم

زیست باقی ہے تو اپنا رنگیںؔ

نام اس عشق میں کر جائیں گے ہم

ishq se bach ke kidhar jaenge ham

hai ye maujud jidhar jaenge ham

tan ke bas rakhiye qabza par hath

dekhiye muft mein dar jaenge ham

teri dahliz par apne sar ko

ek din kat ke dhar jaenge ham

wo ye kahte hain na de dil ham ko

dekh lete hi makar jaenge ham

mana karte ho abas yaro aj

us ke ghar jaenge par jaenge ham

dil ki leni hai khabar ham ko zarur

aj to phir bhi idhar jaenge ham

dam kahin lenge na phir ta ba adam

tere kucha se agar jaenge ham

tu na guzrega jafa se zalim

jan se apni guzar jaenge ham

zist baqi hai to apna rangin

nam is ishq mein kar jaenge ham