ضرور بام پر آئے وہ بے نقاب کہیں

ضرور بام پر آئے وہ بے نقاب کہیں

نظر مجھے نہیں آتا ہے آفتاب کہیں

وہاں پہ زخم ہیں مشتاق کب سے باتوں کے

زبان تیغ سے ہی دیجئے جواب کہیں

ہنسی ہنسی میں تو وہ قتل عام کرتے ہیں

قیامت آئے جو آئے انہیں عتاب کہیں

لگا کے اس کو کلیجے سے رکھتے اے قاتل

جو تیرے تیر کا ملتا ہمیں جواب کہیں

شب وصال میں صفدرؔ کو تم نہ ترساؤ

اٹھا بھی دو رخ پر نور سے نقاب کہیں

zarur bam par ae wo be naqab kahin

nazar mujhe nahin ata hai aftab kahin

wahan pe zakhm hain mushtaq kab se baton ke

zaban-e-tegh se hi dijiye jawab kahin

hansi hansi mein to wo qatl-e-am karte hain

qayamat ae jo ae unhen itab kahin

laga ke us ko kaleje se rakhte ai qatil

jo tere tir ka milta hamen jawab kahin

shab-e-wisal mein safdar ko tum na tarsao

utha bhi do rukh pur nur se naqab kahin