طاقت نہیں ہے جی میں نے اب جگر رہا ہے

طاقت نہیں ہے جی میں نے اب جگر رہا ہے

پھر دل ستم رسیدہ اک ظلم کر رہا ہے

مارا ہے کس کو ظالم اس بے سلیقگی سے

دامن تمام تیرا لوہو میں بھر رہا ہے

پہنچا تھا تیغ کھینچے مجھ تک جو بولے دشمن

کیا مارتا ہے اس کو یہ آپھی مر رہا ہے

آنے کہا ہے میرے خوش قد نے رات گزرے

ہنگامۂ قیامت اب صبح پر رہا ہے

چل ہم نشیں کہ دیکھیں آوارہ میرؔ کو ٹک

خانہ خراب وہ بھی آج اپنے گھر رہا ہے

taqat nahin hai ji main ne ab jigar raha hai

phir dil sitam rasida ik zulm kar raha hai

mara hai kis ko zalim us be saliqagi se

daman tamam tera lohu mein bhar raha hai

pahuncha tha tegh khinche mujh tak jo bole dushman

kya marta hai us ko ye aphi mar raha hai

ane kaha hai mere khush qad ne rat guzre

hangama-e-qayamat ab subh par raha hai

chal ham nashin ke dekhen awara mir ko tuk

khana kharab wo bhi aj apne ghar raha hai