اب آنکھوں میں خوں دم بہ دم دیکھتے ہیں

اب آنکھوں میں خوں دم بہ دم دیکھتے ہیں

نہ پوچھو جو کچھ رنگ ہم دیکھتے ہیں

جو بے اختیاری یہی ہے تو قاصد

ہمیں آ کے اس کے قدم دیکھتے ہیں

گہے داغ رہتا ہے دل گا جگر خوں

ان آنکھوں سے کیا کیا ستم دیکھتے ہیں

اگر جان آنکھوں میں اس بن ہے تو ہم

ابھی اور بھی کوئی دم دیکھتے ہیں

لکھیں حال کیا اس کو حیرت سے ہم تو

گہے کاغذ و گہہ قلم دیکھتے ہیں

وفا پیشگی قیس تک تھی بھی کچھ کچھ

اب اس طور کے لوگ کم دیکھتے ہیں

کہاں تک بھلا روؤ گے میرؔ صاحب

اب آنکھوں کے گرد اک ورم دیکھتے ہیں

ab ankhon mein khun dam ba dam dekhte hain

na puchho jo kuchh rang ham dekhte hain

jo be ikhtiyari yahi hai to qasid

hamen a ke us ke qadam dekhte hain

gahe dagh rahta hai dil ga jigar khun

in ankhon se kya kya sitam dekhte hain

agar jan ankhon mein is ban hai to ham

abhi aur bhi koi dam dekhte hain

likhen hal kya us ko hairat se ham to

gahe kaghaz-o-gah qalam dekhte hain

wafa peshgi qais tak thi bhi kuchh kuchh

ab is taur ke log kam dekhte hain

kahan tak bhala rooge mir sahab

ab ankhon ke gard ik waram dekhte hain