شکل مژگاں نہ خار کی سی ہے

شکل مژگاں نہ خار کی سی ہے

ہم نے تاڑی کٹار کی سی ہے

ہنس کے کہتے ہیں بوسہ بازی میں

جیت بھی اپنی ہار کی سی ہے

عشق مژگاں میں ہم نے کانٹوں سے

سوزنی جسم زار کی سی ہے

اس پہ عالم فریب ہے دنیا

پھوس بڑھیا مدار کی سی ہے

گرم رفتار ہے وہ جانے میں

مجھ کو آمد نجار کی سی ہے

اپنی آنکھوں میں ہر گلی تصویر

شادؔ پتلی کمہار کی سی ہے

shakl-e-mizhgan na khar ki si hai

ham ne tari katar ki si hai

hans ke kahte hain bosa bazi mein

jit bhi apni har ki si hai

ishq mizhgan mein ham ne kanton se

sozni jism zar ki si hai

us pe alam fareb hai duniya

phus burhiya madar ki si hai

garm raftar hai wo jane mein

mujh ko amad najjar ki si hai

apni ankhon mein har gali taswir

shad putli kumhar ki si hai