شکوۂ بے جا کی کیا ان سے شکایت ہم کریں

شکوۂ بے جا کی کیا ان سے شکایت ہم کریں

کچھ تو ہیں پہلے ہی برہم اور کیا برہم کریں

وہ توجہ دیں تو ہو آراستہ بزم حیات

وہ نگاہیں پھیر لیں تو انجمن برہم کریں

یوں بدل لیں طالع خورشید سے بخت سیاہ

آسماں کی طرح سر کو تیرے در پر خم کریں

آئنہ دار نمود حسن روز افزوں جو ہو

ہم کہاں سے روز پیدا اک نیا عالم کریں

آگہی سر چشمۂ رنج و الم تاثیرؔ ہے

ہم خوشی سے ہی نہیں واقف تو پھر کیا غم کریں

shikwa-e-be ja ki kya un se shikayat ham karen

kuchh to hain pahle hi barham aur kiya barham karen

wo tawajjoh den to ho arasta bazm-e-hayat

wo nigahen pher len to anjuman barham karen

yun badal len tale-e-khurshid se bakht-e-siyah

asman ki tarah sar ko tere dar par kham karen

aina dar-e-numud-e-husn-e-roz afzun jo ho

ham kahan se roz paida ik naya alam karen

agahi sar chashma-e-ranj-o-alam tasir hai

ham khushi se hi nahin waqif to phir kya gham karen