شکوہ نہ بخت سے ہے نے آسماں سے مجھ کو

شکوہ نہ بخت سے ہے نے آسماں سے مجھ کو

پہنچی جو کچھ اذیت اپنے گماں سے مجھ کو

قاصد کہے تو ہے تو پوچھے تھا حال تیرا

تصدیق اس کی لیکن ہووے کہاں سے مجھ کو

عاشق نہ تھا میں بلبل کچھ گل کے رنگ و بو کا

اک انس ہو گیا تھا اس گلستاں سے مجھ کو

جاتا ہوں جس جگہ اب واں خانماں ہے میرا

کھویا ہے اے فلک تیں گو خانماں سے مجھ کو

با وصف بے کمالی عزت طلب ہوں قائمؔ

درخور نہ ہو سو کیوں کر اہل جہاں سے مجھ کو

shikwa na bakht se hai ne asman se mujh ko

pahunchi jo kuchh aziyyat apne guman se mujh ko

qasid kahe to hai to puchhe tha hal tera

tasdiq us ki lekin howe kahan se mujh ko

ashiq na tha main bulbul kuchh gul ke rang-o-bu ka

ik uns ho gaya tha is gulsitan se mujh ko

jata hun jis jagah ab wan khanuman hai mera

khoya hai ai falak tin go khanuman se mujh ko

ba wasf be kamali izzat talab hun qaim

darkhur na ho so kyun kar ahl-e-jahan se mujh ko