شوق کے ہاتھوں اے دل مضطر کیا ہونا ہے کیا ہوگا

شوق کے ہاتھوں اے دل مضطر کیا ہونا ہے کیا ہوگا

عشق تو رسوا ہو ہی چکا ہے حسن بھی کیا رسوا ہوگا

حسن کی بزم خاص میں جا کر اس سے زیادہ کیا ہوگا

کوئی نیا پیماں باندھیں گے کوئی نیا وعدہ ہوگا

چارہ گری سر آنکھوں پر اس چارہ گری سے کیا ہوگا

درد کہ اپنی آپ دوا ہے تم سے کیا اچھا ہوگا

واعظ سادہ لوح سے کہہ دو چھوڑے عقبیٰ کی باتیں

اس دنیا میں کیا رکھا ہے اس دنیا میں کیا ہوگا

تم بھی مجازؔ انسان ہو آخر لاکھ چھپاؤ عشق اپنا

یہ بھید مگر کھل جائے گا یہ راز مگر افشا ہوگا

shauq ke hathon ai dil muztar kya hona hai kya hoga

ishq to ruswa ho hi chuka hai husn bhi kya ruswa hoga

husn ki bazm-e-khas mein ja kar is se ziyada kya hoga

koi naya paiman bandhenge koi naya waada hoga

chara giri sar ankhon par is chara giri se kya hoga

dard ke apni ap dawa hai tum se kya achchha hoga

waiz sada lauh se kah do chhore uqba ki baten

is duniya mein kya rakha hai is duniya mein kya hoga

tum bhi majaz insan ho akhir lakh chhupao ishq apna

ye bhed magar khul jaega ye raz magar ifsha hoga