شکل جانانہ جا بجا ہیں ہم

شکل جانانہ جا بجا ہیں ہم

کہیں ناز اور کہیں ادا ہیں ہم

کہیں عیسیٰ ہیں ہم کہیں مردہ

کہیں زندہ کہیں فنا ہیں ہم

کہیں اعلیٰ ہیں اور کہیں ادنیٰ

کہیں سلطاں کہیں گدا ہیں ہم

ہیں کہیں عاشق جگر خستہ

کہیں معشوق دل ربا ہیں ہم

کہیں قطرہ ہیں اور کہیں دریا

کہیں کشتی کے ناخدا ہیں ہم

ہیں کہیں ہم دوائے دافع درد

اور کہیں درد لا دوا ہیں ہم

کہیں ہیں شاہ صورت خادم

اور کہیں آثمؔ گدا ہیں ہم

shakl-e-janana ja baja hain ham

kahin naz aur kahin ada hain ham

kahin isa hain ham kahin murda

kahin zinda kahin fana hain ham

kahin aala hain aur kahin adna

kahin sultan kahin gada hain ham

hain kahin ashiq-e-jigar khasta

kahin maashuq dil ruba hain ham

kahin qatra hain aur kahin dariya

kahin kashti ke nakhuda hain ham

hain kahin ham dawa-e-dafe dard

aur kahin dard-e-la dawa hain ham

kahin hain shah surat-e-khadim

aur kahin asim-e-gada hain ham