شکوہ اپنے طالعوں کی نارسائی کا کروں

شکوہ اپنے طالعوں کی نارسائی کا کروں

یا گلہ اے شوخ تیری بے وفائی کا کروں

وہ کہ اک مدت تلک جس کو بھلا کہتا رہا

آہ اب کس منہ سے ذکر اس کی برائی کا کروں

آب زمزم سے میں دھو لوں اپنی پیشانی کے تئیں

در پہ تب اس کے ارادہ جبہہ سائی کا کروں

خوب سی تنبیہ کرنا اے جدائی تو مجھے

گر کسی سے پھر کبھی قصد آشنائی کا کروں

گر مسخر ہووے وہ خورشید رو میرا بیاںؔ

بادشاہی کیا کہ میں دعویٰ خدائی کا کروں

shikwa apne talion ki narasai ka karun

ya gila ai shokh teri be wafai ka karun

wo ke ik muddat talak jis ko bhala kahta raha

ah ab kis munh se zikr us ki burai ka karun

ab-e-zamzam se main dho lun apni peshani ke tain

dar pe tab us ke irada jabha sai ka karun

khub si tambih karna ai judai to mujhe

gar kisi se phir kabhi qasd ashnai ka karun

gar musakhkhar howe wo khurshid ru mera bayan

badshahi kya ke main daawa khudai ka karun