شکوہ جفا کا کیجے تو کہتے ہیں کیا کروں

شکوہ جفا کا کیجے تو کہتے ہیں کیا کروں

تم سے وفا کروں کہ عدو سے وفا کروں

گلشن میں چل کے بندِ قبا تیرے وا کروں

جی چاہتا ہے جامۂ گل کو قبا کروں

آتا ہوں پیرِ دیر کی خدمت سے مست میں

ہاں زاہدو تمہارے لئے کیا دعا کروں

جوشِ فغاں وداع، کہ منظور ہے انہیں

دل نذرِ کاوشِ نگہِ سرما سا کروں

نفرین بے شمار ہے اس عمد و سہو پر

گر ایک میں صواب کروں سو خطا کروں

مطرب بدیع نغمہ و ساقی پری جمال

کیا شرحِ حالتِ دلِ درد آشنا کروں

تم دلربا ہو دل کو اگر لے گئے تو کیا

جب کاہ ہو کے میں اثرِ کہربا کروں

اے چارہ ساز لطف! کہ تو چارہ گر نہیں

بس اے طبیب رحم! کہ دل کی دوا کروں

پیتا ہوں میں مدام مئے نابِ معرفت

اصلِ شرور و امِ خبائث کو کیا کروں

یا اپنے جوشِ عشوۂ پیہم کو تھامئے

یا کہئے میں بھی نالۂ شورش فزا کروں

میں جل گیا وہ غیر کے گھر جو چلے گئے

شعلے سے استعارہء آوازِ پا کروں

ڈر ہے کہ ہو نہ شوقِ مزامیر شیفتہ

ورنہ کبھی سماعِ مجرد سنا کروں

shikwa jafa ka kije to kahte hain kya karun

tum se wafa karun ke adu se wafa karun

gulshan mein chal ke band-e-qaba tere wa karun

ji chahta hai jama-e-gul ko qaba karun

ata hun pir-e-dair ki khidmat se mast mein

han zahido tumhare liye kya dua karun

josh-e-fughan wida, ke manzur hai unhen

dil nazr-e-kawish-e-nigah-e-sarma sa karun

nafrin be shumar hai is amad-o-saho par

gar ek main sawab karun so khata karun

mutrib badi naghma-o-saqi pari jamal

kya sharh-e-halat-e-dil-e-dard ashna karun

tum dilruba ho dil ko agar le gae to kya

jab kah ho ke main asar-e-kohrba karun

ai chara saz lutf! ke tu chara gar nahin

bas ai tabib rahm! ke dil ki dawa karun

pita hun main mudam mai-e-nab-e-maarifat

asl-e-sharwar-o-um-e-khabais ko kya karun

ya apne josh-e-ishwa-e-paiham ko thamiye

ya kahiye mein bhi nala-e-shorish faza karun

main jal gaya wo ghair ke ghar jo chale gae

shole se astarah awaz-e-pa karun

dar hai ke ho na shauq-e-mazamir shefta

warna kabhi sama-e-mujarrad suna karun