صرف غم ہم نے نوجوانی کی

صرف غم ہم نے نوجوانی کی

واہ کیا خوب زندگانی کی

اپنی بیتی اگر میں تجھ سے کہوں

بات نبڑے نہ اس کہانی کی

تیرے داغوں کی اے غم الفت

خوب ہم نے بھی باغبانی کی

جوں نگہ دل گیا ہے آنکھوں کی راہ

گرچہ ہم نے نگاہبانی کی

کس کے ہاں تم کرم نہیں کرتے

کبھو ایدھر نہ مہربانی کی

اپنے نزدیک درد دل میں کہا

تیرے نزدیک قصہ خوانی کی

ہرزہ گوئی سے مجھ کو دی ہے نجات

ہے گی منت یہ بے زبانی کی

نہیں طاقت کہ دم نکال سکوں

اب یہ نوبت ہے ناتوانی کی

اثرؔ اس حال پہ بھی جیتا ہے

کیا کہوں اس کی سخت جانی کی

sirf-e-gham ham ne naujawani ki

wah kya khub zindagani ki

apni biti agar main tujh se kahun

bat nibre na is kahani ki

tere daghon ki ai gham-e-ulfat

khub ham ne bhi baghbani ki

jun nigah dil gaya hai ankhon ki rah

garche ham ne nigahbani ki

kis ke han tum karam nahin karte

kabhu idhar na mehrbani ki

apne nazdik dard-e-dil mein kaha

tere nazdik qissa khwani ki

harza goi se mujh ko di hai najat

hai gi minnat ye be zabani ki

nahin taqat ke dam nikal sakun

ab ye naubat hai natawani ki

asar is hal pe bhi jita hai

kya kahun us ki sakht jani ki