صرف اک سوز تو مجھ میں ہے مگر ساز نہیں

صرف اک سوز تو مجھ میں ہے مگر ساز نہیں

میں فقط درد ہوں جس میں کوئی آواز نہیں

مجھ سے جو چاہئے وہ درس بصیرت لیجے

میں خود آواز ہوں میری کوئی آواز نہیں

وہ مزے ربط نہانی کے کہاں سے لاؤں

ہے نظر مجھ پہ مگر اب غلط انداز نہیں

پھر یہ سب شورش‌ و ہنگامۂ عالم کیا ہے

اسی پردے میں اگر حسن جنوں ساز نہیں

آتش‌ جلوۂ محبوب نے سب پھونک دیا

اب کوئی پردہ نہیں پردہ بر انداز نہیں

sirf ik soz to mujh mein hai magar saz nahin

main faqat dard hun jis mein koi awaz nahin

mujh se jo chahiye wo dars-e-basirat lije

main khud awaz hun meri koi awaz nahin

wo maze rabt-e-nihani ke kahan se laun

hai nazar mujh pe magar ab ghalat andaz nahin

phir ye sab shorish-o-hangama-e-alam kya hai

isi parde mein agar husn-e-junun saz nahin

atish-e-jalwa-e-mahbub ne sab phunk diya

ab koi parda nahin parda bar andaz nahin