صنم کے ہجر کا بیمار میں ہوں

صنم کے ہجر کا بیمار میں ہوں

اسی کے عشق میں سرشار میں ہوں

رخ دلبر ہے روشن ماہ تاباں

چکوری کی طرح بیدار میں ہوں

لئے پھرتا ہوں ہاتھوں پر سر اپنا

نظر دلبر سر بازار میں ہوں

غلام خاک پا مخدوم صابر

فدائے جاں سگ دربار میں ہوں

بلا لو یا علاء الدین مجھ کو

تیرے روضے کا اک زوار میں ہوں

کوئی مونس نہ ہمدم آشنا ہے

یہ فرماؤ ترا غم خوار میں ہوں

sanam ke hijr ka bimar mein hun

usi ke ishq mein sarshar mein hun

rukh dilbar hai raushan mah-e-taban

chakori ki tarah bedar mein hun

liye phirta hun hathon par sar apna

nazar dilbar sar-e-bazar mein hun

ghulam-e-khak-e-pa makhdum sabir

fida-e-jan sag-e-darbar mein hun

bala lo ya ala alddain mujh ko

tere roze ka ik zawwar mein hun

koi munis na hamdam ashna hai

ye farmao tira gham khwar mein hun