صورت سے وہ بیزار ہے معلوم نہیں کیوں

صورت سے وہ بیزار ہے معلوم نہیں کیوں

دل پھر بھی طلب گار ہے معلوم نہیں کیوں

ہر شخص کو بخشی گئی تمییز بد و نیک

ہر شخص زیاں کار ہے معلوم نہیں کیوں

اک چیز کہ سرمایۂ راحت ہے اسے لوگ

کہتے ہیں کہ آزار ہے معلوم نہیں کیوں

پتا بھی اگر ہلتا ہے تو اس کی رضا سے

اور بندہ گنہ گار ہے معلوم نہیں کیوں

دیں دار ہے زاہد کی زباں بھی مرا دل بھی

پھر مفت کی تکرار ہے معلوم نہیں کیوں

surat se wo bezar hai maalum nahin kyun

dil phir bhi talab gar hai maalum nahin kyun

har shakhs ko bakhshi gai tamyiz-e-bad-o-nek

har shakhs ziyan kar hai maalum nahin kyun

ik chiz ke sarmaya-e-rahat hai use log

kahte hain ke azar hai maalum nahin kyun

patta bhi agar hilta hai to us ki raza se

aur banda gunah gar hai maalum nahin kyun

den dar hai zahid ki zaban bhi mira dil bhi

phir muft ki takrar hai maalum nahin kyun