صنم نے جب لب گوہر فشان کھول دیئے

صنم نے جب لب گوہر فشان کھول دیئے

صدف کے موج تبسم نے کان کھول دیئے

تری نسیم تبسم نے غنچہ ساں دل کے

جو عقدے بند تھے آناً فان کھول دیئے

سرشک چشم نے کر شہر بند دل کو خراب

تمام عشق کے راز نہان کھول دیئے

یہ کس کی کاوش مژگاں نے دل سے تا سر چشم

ہزار چشمۂ آب روان کھول دیئے

چمن چمن ترے عارض کے رنگ حسرتؔ نے

بہ چشم گل مژۂ خوں چکان کھول دیئے

نکالوں دل سے میں نالے کی کس طرح آواز

تری نگہ نے عجب سرمہ دان کھول دیئے

ہوائے خاک نشینی نے بے غبار محبؔ

نظر میں پردۂ ہفت آسمان کھول دیئے

sanam ne jab lab-e-gauhar fishan khol diye

sadaf ke mauj-e-tabassum ne kan khol diye

tiri nasim-e-tabassum ne ghuncha san dil ke

jo uqde band the ana fan khol diye

sarishk-e-chashm ne kar shahr band-e-dil ko kharab

tamam ishq ke raz-e-nahan khol diye

ye kis ki kawish-e-mizhgan ne dil se ta sar-e-chashm

hazar chashma-e-ab-e-rawan khol diye

chaman chaman tire ariz ke rang hasrat ne

ba chashm-e-gul mizha-e-khun chakan khol diye

nikalun dil se main nale ki kis tarah awaz

tiri nigah ne ajab surma dan khol diye

hawa-e-khak nashini ne be ghubar muhib

nazar mein parda-e-haft asman khol diye