صورت کا اپنی یار پرستار تھا سو ہے — عشق اورنگ آبادی

Arooz is now on the App Store, for iPhone and iPad. Download →

عشق اورنگ آبادی

صورت کا اپنی یار پرستار تھا سو ہے

آئینہ دل اس کو جو درکار تھا سو ہے

یہ دل ہے تیغ ابروئے خم دار کا شہید

اس کا گواہ دیدۂ خم دار تھا سو ہے

مالک ہے میرے دل کا خدا تجھ سے اے صنم

پیوستہ بندگی کا جو اقرار تھا سو ہے

ظاہر میں گرچہ کفر سے منکر ہوا ہے شیخ

پوشیدہ اس کی سبحہ میں زنار تھا سو ہے

تجھ خط کی یاد میں دل حیران عشق کا

در نجف کی طرح سے مودار تھا سو ہے