صوت بلبل دل نالاں نے سنائی مج کو

صوت بلبل دل نالاں نے سنائی مج کو

سیر گل دیدۂ گریاں نے دکھائی مج کو

لاؤں خاطر میں نہ میں سلطنت ہفت اقلیم

اس گلی کی جو میسر ہو گدائی مج کو

وصل میں جس کی نہیں چین یہ اندیشہ ہے

آہ دکھلائے گی کیا اس کی لڑائی مج کو

وصل میں جس کے نہ تھا چین سو جرأتؔ افسوس

وہ گیا پاس سے اور موت نہ آئی مج کو

saut-e-bulbul dil-e-nalan ne sunai maj ko

sair-e-gul dida-e-giryan ne dikhai maj ko

laun khatir mein na main saltanat-e-haft iqlim

us gali ki jo muyassar ho gadai maj ko

wasl mein jis ki nahin chain ye andesha hai

ah dikhlaegi kya us ki larai maj ko

wasl mein jis ke na tha chain so jurat afsos

wo gaya pas se aur maut na ai maj ko