صدمے یوں غیر پر نہیں آتے

صدمے یوں غیر پر نہیں آتے

تمہیں جور اس قدر نہیں آتے

پھر تسلی کی کون سی صورت

خواب میں بھی نظر نہیں آتے

آتے ہیں جب کہ ناامید ہوں ہم

کبھی وہ وعدے پر نہیں آتے

روز کے انتظار نے مارا

صاف کہہ دو اگر نہیں آتے

نہیں معلوم اس کا کیا باعث

روز کہتے ہیں پر نہیں آتے

اور تم کس کے گھر نہیں جاتے

ایک میرے ہی گھر نہیں آتے

اب تو ہے قہر آپ کا جانا

نہیں آتے اگر نہیں آتے

سچ ہے حیلے مجھی کو آتے ہیں

اور تمہیں کس قدر نہیں آتے

ان کو میں اس طرح بھلاؤں نظامؔ

یاد کس بات پر نہیں آتے

sadme yun ghair par nahin ate

tumhen jaur is qadar nahin ate

phir tasalli ki kaun si surat

khwab mein bhi nazar nahin ate

ate hain jab ke naummid hun ham

kabhi wo waade par nahin ate

roz ke intizar ne mara

saf kah do agar nahin ate

nahin maalum us ka kya bais

roz kahte hain par nahin ate

aur tum kis ke ghar nahin jate

ek mere hi ghar nahin ate

ab to hai qahr ap ka jana

nahin ate agar nahin ate

sach hai hile mujhi ko ate hain

aur tumhen kis qadar nahin ate

un ko main is tarah bhulaun nizam

yad kis bat par nahin ate