صبر وعدے پہ نہ تھا کام تمنائی کا

صبر وعدے پہ نہ تھا کام تمنائی کا

حشر ہے وصل کا دن یا مری رسوائی کا

حشر میں کیا تجھے دیکھیں گے ازل کے بچھڑے

حسن وہ اور زمانہ یہ خود آرائی کا

ابھی حیراں ابھی مضطر ابھی ہشیار ابھی مست

حال دیکھا ہی کرے تیرے تماشائی کا

اف ترا شوق میں بڑھنا وہ لپٹ جانے کو

اف وہ آئینے میں عالم تری انگڑائی کا

مری آنکھوں سے ٹپک پڑتے ہیں آنسو بیخودؔ

نام لیتا ہے اگر کوئی شکیبائی کا

sabr waade pe na tha kam tamannai ka

hashr hai wasl ka din ya miri ruswai ka

hashr mein kya tujhe dekhenge azal ke bichhre

husn wo aur zamana ye khud arai ka

abhi hairan abhi muztar abhi hushyar abhi mast

hal dekha hi kare tere tamashai ka

uf tira shauq mein barhna wo lipat jane ko

uf wo aine mein alam tiri angrai ka

miri ankhon se tapak parte hain ansu bekhud

nam leta hai agar koi shakebai ka