صراحی کا بھرم کھلتا نہ میری تشنگی ہوتی

صراحی کا بھرم کھلتا نہ میری تشنگی ہوتی

ذرا تم نے نگاہ ناز کو تکلیف دی ہوتی

مقام عاشقی دنیا نے سمجھا ہی نہیں ورنہ

جہاں تک تیرا غم ہوتا وہیں تک زندگی ہوتی

تمہاری آرزو کیوں دل کے ویرانے میں آ پہنچی

بہاروں میں پلی ہوتی ستاروں میں رہی ہوتی

زمانے کی شکایت کیا زمانہ کس کی سنتا ہے

مگر تم نے تو آواز جنوں پہچان لی ہوتی

یہ سب رنگینیاں خون تمنا سے عبارت ہیں

شکست دل نہ ہوتی تو شکست زندگی ہوتی

رضائے دوست قابلؔ میرا معیار محبت ہے

انہیں بھی بھول سکتا تھا اگر ان کی خوشی ہوتی

surahi ka bharam khulta na meri tishnagi hoti

zara tum ne nigah-e-naz ko taklif di hoti

maqam-e-ashiqi duniya ne samjha hi nahin warna

jahan tak tera gham hota wahin tak zindagi hoti

tumhari arzu kyun dil ke wirane mein a pahunchi

baharon mein pali hoti sitaron mein rahi hoti

zamane ki shikayat kya zamana kis ki sunta hai

magar tum ne to awaz-e-junun pahchan li hoti

ye sab ranginiyan khun-e-tamanna se ibarat hain

shikast-e-dil na hoti to shikast-e-zindagi hoti

raza-e-dost qabil mera meyar-e-mohabbat hai

unhen bhi bhul sakta tha agar un ki khushi hoti