Arooz is now on the App Store, for iPhone and iPad. Download →

All poetry

صبر آتا ہے جدائی میں نہ خواب آتا ہے

Bekhud Dehlvi (1863–1955)

صبر آتا ہے جدائی میں نہ خواب آتا ہے

رات آتی ہے الٰہی کہ عذاب آتا ہے

بے قراری دل بے تاب کی خالی تو نہیں

یا وہ خود آتے ہیں یا خط کا جواب آتا ہے

منہ میں واعظ کے بھی بھر آتا ہے پانی اکثر

جب کبھی تذکرۂ جام شراب آتا ہے

کس قیامت کی یہ آمد ہے خدا خیر کرے

فتنۂ حشر بھی ہمراہ رکاب آتا ہے

رند مشرب کوئی بیخودؔ سا نہ ہوگا واللہ

پی کے مسجد ہی میں یہ خانہ خراب آتا ہے