صدا فریاد کی آئے کہیں سے

صدا فریاد کی آئے کہیں سے

وہ ظالم بد گماں ہوگا ہمیں سے

خدا سمجھے بت سحر آفریں سے

گریباں کو لڑایا آستیں سے

چمن ہے شعلۂ گل سے چراغاں

بہار آئی نوائے آتشیں سے

خرد ہے اب بھی جس کے حل سے عاجز

وہ نکتے حل کیے ہم نے یقیں سے

سلامت وسعت آباد محبت

بہت آگے ہیں ہم دنیا و دیں سے

معاذ اللہ جلال اس آستاں کا

ٹپک پڑتے ہیں سجدے خود جبیں سے

sada fariyad ki ae kahin se

wo zalim bad guman hoga hamen se

khuda samjhe but-e-sahar afrin se

gareban ko laraya astin se

chaman hai shola-e-gul se charaghan

bahar ai nawa-e-atishin se

khirad hai ab bhi jis ke hal se ajiz

wo nukte hal kiye ham ne yaqin se

salamat wusat abad-e-mohabbat

bahut age hain ham duniya-o-din se

maaz allah jalal is astan ka

tapak parte hain sajde khud jabin se