صدقے ترے ہوتے ہیں سورج بھی ستارے بھی — ناطق لکھنوی

Arooz is now on the App Store, for iPhone and iPad. Download →

ناطق لکھنوی

صدقے ترے ہوتے ہیں سورج بھی ستارے بھی

ہم کس سے کہیں دل ہے سینے میں ہمارے بھی

تا صبح گرے آنسو اور آنکھ نہیں جھپکی

اس بات کے شاہد ہیں ڈوبے ہوئے تارے بھی

دل کھو کے ملا ہم کو جو کچھ وہ بہت کچھ ہے

اس عشق کی بازی میں ہم جیتے بھی ہارے بھی

جو کچھ تھا مرے دل میں میں نے تو کہا تم سے

اب تم بھی کہو جو کچھ ہے دل میں تمہارے بھی

کیوں بحر محبت میں ہے خوف اجل ناطقؔ

مرنے کو تو مرتے ہیں دریا کے کنارے بھی