صاف باطن دیر سے ہیں منتظر

صاف باطن دیر سے ہیں منتظر

ساقیا خذ ما صفا دع ما کدر

پھر حیات چند روزہ کا مآل

موت پر جب زندگی ہے منحصر

رت بدلتے ہی فضا میں گونج اٹھا

نغمۂ یا ایہا الساقی ادر

ایسے وادی میں نہیں کیا رہ نما

خود جہاں گم کردہ منزل ہوں خضر

مشورہ رحمت سے کر اے عدل حق

کیا سزا جو ہو خطا کا خود مقر

کیوں ہے اسرار دو عالم کی تلاش

پردۂ دل میں ہیں تیرے مستر

کیوں مری دیوانگی بدنام ہے

ان کی آنکھیں خود ہوئیں جب مشتہر

الحذر پیر فلک کی سرکشی

دیکھنے میں تو ہے اتنا منکسر

کھو چکا آنکھیں مگر اے برق حسن

دل رہے گا اور رہے گا منتظر

سن لے فریاد عزیزؔ جاں بہ لب

رب انی مستغیث فالفقر

saf batin der se hain muntazir

saqiya khuz ma safa daa ma kadar

phir hayat chand roza ka maal

maut par jab zindagi hai munhasir

rut badalte hi faza mein gunj utha

naghma-e-ya iha alsaqi adar

aise wadi mein nahin kya rah numa

khud jahan gum karda manzil hun khizar

mashwara rahmat se kar ai adl-e-haq

kya saza jo ho khata ka khud muqar

kyun hai asrar do alam ki talash

parda-e-dil mein hain tere mistar

kyun miri diwangi-e-badnam hai

un ki ankhen khud huin jab mushtahar

alhazar pir-e-falak ki sarkashi

dekhne mein to hai itna munkasir

kho chuka ankhen magar ai barq-e-husn

dil rahega aur rahega muntazir

sun le fariyad aziz jan ba lab

rab ani mustaghis falfaqr