صاف ہم تم سے آج کتنے ہیں

صاف ہم تم سے آج کتنے ہیں

سب تمہیں بد مزاج کہتے ہیں

تیرے بیمار غم کو ہے وہ مرض

حکما لا علاج کہتے ہیں

میری دھڑکن سے وہ بھی نہ بے چین

ہاں اسے اختلاج کہتے ہیں

کیا عناصر میں ہے تری قدرت

بس اسے امتزاج کہتے ہیں

ہے شہادت کی آرزو قاتل

دل کی ہم احتیاج کہتے ہیں

داغ سودا نے سرفراز کیا

ہم اسے اپنا تاج کہتے ہیں

خوب پیدا کیا ہے نام انجمؔ

لوگ عاشق مزاج کہتے ہیں

saf ham tum se aj kitne hain

sab tumhen bad mizaj kahte hain

tere bimar gham ko hai wo maraz

hukama la ilaj kahte hain

meri dharkan se wo bhi na be chain

han use ikhtilaj kahte hain

kya anasir mein hai tiri qudrat

bas use imtizaj kahte hain

hai shahadat ki arzu qatil

dil ki ham ehtiyaj kahte hain

dagh-e-sauda ne sarfaraz kiya

ham use apna taj kahte hain

khub paida kya hai nam anjum

log ashiq mizaj kahte hain