صد شکر بجھ گئی تری تلوار کی ہوس

صد شکر بجھ گئی تری تلوار کی ہوس

قاتل یہی تھی تیرے گنہ گار کی ہوس

مردے کو بھی مزار میں لینے نہ دے گی چین

تا حشر تیرے سایۂ دیوار کی ہوس

سو بار آئے غش ارنی ہی کہوں گا میں

موسیٰ نہیں کہ پھر ہو نہ دیدار کی ہوس

رضواں کہاں یہ خلد و ارم اور میں کہاں

آئے تھے لے کے کوچۂ دل دار کی ہوس

صیاد جب قفس سے نکالا تھا بہر ذبح

پوچھی تو ہوتی مرغ گرفتار کی ہوس

یوسف کو تیری چاہ کے سودے کی آرزو

عیسیٰ کو تیرے عشق کے آزار کی ہوس

دست ہوائے گل میں گریبان ہے مرا

دامن جنوں میں کھینچتی ہے خار کی ہوس

جب ہو کسی کا رشتۂ الفت گلے کا طوق

مانع ہے ضبط چرخ پھنکے کیونکر اے جلالؔ

کس طرح نکلے آہ شرربار کی ہوس

sad shukr bujh gai tiri talwar ki hawas

qatil yahi thi tere gunah gar ki hawas

murde ko bhi mazar mein lene na degi chain

ta hashr tere saya-e-diwar ki hawas

sau bar ae ghash arini hi kahunga mein

musa nahin ke phir ho na didar ki hawas

rizwan kahan ye khuld-o-iram aur main kahan

ae the le ke kucha-e-dil dar ki hawas

sayyad jab qafas se nikala tha bahr-e-zabh

puchhi to hoti murgh-e-giraftar ki hawas

yusuf ko teri chah ke saude ki arzu

isa ko tere ishq ke azar ki hawas

dast-e-hawa-e-gul mein gareban hai mira

daman junun mein khinchti hai khar ki hawas

jab ho kisi ka rishta-e-ulfat gale ka tauq

mane hai zabt-e-charkh phinke kyunkar ai jalal

kis tarah nikle ah shararbar ki hawas