صدمے سے شب ہجر کے کب جان بر آئی

صدمے سے شب ہجر کے کب جان بر آئی

یہ شام نہیں آئی قضا ہی مگر آئی

دیکھا مرا بستر جو کل اس شوخ نے خالی

ہر چند کیا ضبط مگر آنکھ بھر آئی

کرتا ہے کئی دن سے مرے قتل کی تدبیر

صد شکر کہ اس بت کی طبیعت ادھر آئی

آتے ہی ترے آ گئی اک جان سی تن میں

اے نگہت گیسوئے معنبر کدھر آئی

تصویر خیالی کی تری کیا کہوں شوخی

گہہ چھپ گئی نظروں سے تو گاہے نظر آئی

گلشن میں خزاں آئی تو بلبل یہ پکاری

اب فصل بہاری گل داغ جگر آئی

تربت پہ چڑھانے کو ترے سوختگاں کے

لے کے پر پروانہ نسیم سحر آئی

ہر تار نہانی ہی کو سمجھا میں رگ گل

یاد اس گل نازک کی جو مجھ کو مگر آئی

پوچھو تو ضمیرؔ جگر افگار کہاں ہے

جس دن سے گیا وہ نہ پھر اس کی خبر آئی

sadme se shab-e-hijr ke kab jan-e-bar ai

ye sham nahin ai qaza hi magar ai

dekha mira bistar jo kal us shokh ne khali

har chand kiya zabt magar ankh bhar ai

karta hai kai din se mire qatl ki tadbir

sad shukr ke us but ki tabiat idhar ai

ate hi tire a gai ik jan si tan mein

ai nighat gesu-e-muambar kidhar ai

taswir-e-khayali ki tiri kya kahun shokhi

gah chhup gai nazron se to gahe nazar ai

gulshan mein khizan ai to bulbul ye pukari

ab fasl-e-bahari gul dagh-e-jigar ai

turbat pe charhane ko tire sokhtgan ke

le ke par parwana nasim-e-sahar ai

har tar-e-nihani hi ko samjha mein rag-e-gul

yad us gul nazuk ki jo mujh ko magar ai

puchho to zamir-e-jigar afgar kahan hai

jis din se gaya wo na phir us ki khabar ai