صحبت غیر موں جایا نہ کرو

صحبت غیر موں جایا نہ کرو

درد منداں کوں کڑھایا نہ کرو

حق پرستی کا اگر دعویٰ ہے

بے گناہاں کوں ستایا نہ کرو

اپنی خوبی کے اگر طالب ہو

اپنے طالب کوں جلایا نہ کرو

ہے اگر خاطر عشاق عزیز

غیر کوں درس دکھایا نہ کرو

مجھ کو ترشی کا ہے پرہیز صنم

چین ابرو کوں دکھایا نہ کرو

دل کوں ہوتی ہے سجن، بیتابی

زلف کوں ہاتھ لگایا نہ کرو

نگہ تلخ سوں اپنی ظالم

زہر کا جام پلایا نہ کرو

ہم کوں برداشت نہیں غصے کی

بے سبب غصے میں آیا نہ کرو

پاک بازاں میں ہے مشہور ولیؔ

اس سوں چہرے کوں چھپایا نہ کرو

sohbat-e-ghair mon jaya na karo

dard mandan kun karhaya na karo

haq parasti ka agar daawa hai

be gunahan kun sataya na karo

apni khubi ke agar talib ho

apne talib kun jalaya na karo

hai agar khatir-e-ushshaq aziz

ghair kun dars dikhaya na karo

mujh ko tarshi ka hai parhez sanam

chain-e-abru kun dikhaya na karo

dil kun hoti hai sajan, betabi

zulf kun hath lagaya na karo

nigah-e-talkh sun apni zalim

zahr ka jam pilaya na karo

ham kun bardasht nahin ghusse ki

be sabab ghusse mein aya na karo

pak bazan mein hai mashhur wali

is sun chehre kun chhupaya na karo