شوخ تھے رنگ ہر اک دور میں افسانوں کے

شوخ تھے رنگ ہر اک دور میں افسانوں کے

دل دھڑکتے ہی رہے آس میں انسانوں کے

علم نے خیر نہ چاہی کبھی انسانوں کی

ذرے برباد یونہی تو نہیں ویرانوں کے

راہیں شہروں سے گزرتی رہیں ویرانوں کی

نقش ملتے رہے کعبے میں صنم خانوں کے

زندگی والہ و شیدا رہی فرزانوں کی

نام روشن ہوئے ہر دور میں دیوانوں کے

مریمی مورد تہمت رہی ارمانوں کی

ٹکڑے اک دفتر الزام ہیں دامانوں کے

فکر سب کو ہے رفو کے لیے سامانوں کی

پوچھتا کوئی نہیں حال گریبانوں کے

قدر کچھ کم تو نہیں اب بھی تن آسانوں کی

روز و شب آج بھی بھاری ہیں گراں جانوں کے

shokh the rang har ik daur mein afsanon ke

dil dharakte hi rahe as mein insanon ke

ilm ne khair na chahi kabhi insanon ki

zarre barbad yunhi to nahin wiranon ke

rahen shahron se guzarti rahen wiranon ki

naqsh milte rahe kaabe mein sanam khanon ke

zindagi walahu-o-shaida rahi farzanon ki

nam raushan hue har daur mein diwanon ke

maryami morid-e-tohmat rahi armanon ki

tukre ik daftar-e-ilzam hain daminon ke

fikr sab ko hai rafu ke liye samanon ki

puchhta koi nahin hal garebanon ke

qadr kuchh kam to nahin ab bhi tan asanon ki

roz-o-shab aj bhi bhari hain giran janon ke