شوق اپنا آپ میں اپنی زباں سے کیوں کہوں

شوق اپنا آپ میں اپنی زباں سے کیوں کہوں

دل جو کچھ کہتا ہے وہ اس بد گماں سے کیوں کہوں

تم سمجھ لو سوچ لو تم تاڑ لو پہچان لو

بات اپنے دل کی میں اپنی زباں سے کیوں کہوں

کان میں سن لو ادھر آ کر مری اک بات تم

تم سے کچھ کہتا ہوں میں سارے جہاں سے کیوں کہوں

داستاں اول سے سنیے میری سننی ہے اگر

آپ کہتے ہیں جہاں سے میں وہاں سے کیوں کہوں

کان میں چپکے سے بیخودؔ جو کہا ہے یار نے

رشک آتا ہے مجھے وہ رازداں سے کیوں کہوں

shauq apna ap main apni zaban se kyun kahun

dil jo kuchh kahta hai wo is bad guman se kyun kahun

tum samajh lo soch lo tum tar lo pahchan lo

bat apne dil ki main apni zaban se kyun kahun

kan mein sun lo idhar a kar miri ik bat tum

tum se kuchh kahta hun main sare jahan se kyun kahun

dastan awwal se suniye meri sunni hai agar

ap kahte hain jahan se main wahan se kyun kahun

kan mein chupke se bekhud jo kaha hai yar ne

rashk ata hai mujhe wo razdan se kyun kahun