شوخی سے کشمکش نہیں اچھی حجاب کی

شوخی سے کشمکش نہیں اچھی حجاب کی

کھل جائے گی گرہ ترے بند نقاب کی

شیشے کھلے نہیں ابھی ساغر چلے نہیں

اڑنے لگی پری کی طرح بو شراب کی

دو دن کی زندگی پہ الٰہی یہ غفلتیں

آنکھیں تو ہیں کھلی ہوئی حالت ہے خواب کی

ہوتے ہی صبح وصل کی شب دیکھتا ہوں کیا

تلوار بن گئی ہے کرن آفتاب کی

آتا نہیں کسی پہ دل بد گماں عزیزؔ

جمتی نہیں کسی پہ نظر انتخاب کی

shokhi se kashmakash nahin achchhi hijab ki

khul jaegi girah tire band-e-naqab ki

shishe khule nahin abhi saghar chale nahin

urne lagi pari ki tarah bu sharab ki

do din ki zindagi pe ilahi ye ghaflaten

ankhen to hain khuli hui halat hai khwab ki

hote hi subh-e-wasl ki shab dekhta hun kya

talwar ban gai hai kiran aftab ki

ata nahin kisi pe dil-e-bad guman aziz

jamti nahin kisi pe nazar intikhab ki