شمیم یار نہ جب تک چمن میں چھو آئے

شمیم یار نہ جب تک چمن میں چھو آئے

نہ رنگ آئے کسی پھول میں نہ بو آئے

مزہ تو جب ہے شہادت کا میں ادھر سے بڑھوں

ادھر سے تیغ جفا کھنچ کے تا گلو آئے

دماغ دے جو خدا گلشن محبت میں

ہر ایک گل سے ترے پیرہن کی بو آئے

زباں دراز سناں زخم میں دریدہ دہن

کہیں نہ دونوں میں رنجش کی گفتگو آئے

دکھائیں حسن بیاں شاعری میں کیا تسلیمؔ

زبان آئے نہ انداز گفتگو آئے

shamim-e-yar na jab tak chaman mein chhu ae

na rang ae kisi phul mein na bu ae

maza to jab hai shahadat ka main idhar se barhun

idhar se tegh-e-jafa khinch ke ta galo ae

dimagh de jo khuda gulshan-e-mohabbat mein

har ek gul se tire pairahan ki bu ae

zaban daraz sinan zakhm mein darida dahan

kahin na donon mein ranjish ki guftugu ae

dikhaen husn-e-bayan shayari mein kya taslim

zaban ae na andaz-e-guftugu ae