آہ سے یا آہ کی تاثیر سے
Fani Badayuni (1879–1941)آہ سے یا آہ کی تاثیر سے
جی بہل جاتا کسی تدبیر سے
اب سے غم سہنے کی عادت ہی سہی
صلح کر لیں لاؤ چرخ پیر سے
جبر کو کیونکر نہ سمجھوں اختیار
تم نے باندھا ہے مجھے زنجیر سے
کام اب اس تدبیر پر ہے منحصر
واسطہ جس کو نہ ہو تقدیر سے
اس نگاہ ناز کا اللہ رے فیض
نسبتیں ہیں زخم دل کو تیر سے
ہوشیار او شوخ بے پروا خرام
بچ کے میری خاک دامن گیر سے
عشق فانیؔ اس پہ اپنی یہ بساط
کھیلتی ہیں بجلیاں تصویر سے
ah se ya ah ki tasir se
ji bahal jata kisi tadbir se
ab se gham sahne ki adat hi sahi
sulh kar len lao charkh-e-pir se
jabr ko kyunkar na samjhun ikhtiyar
tum ne bandha hai mujhe zanjir se
kam ab is tadbir par hai munhasir
wasta jis ko na ho taqdir se
us nigah-e-naz ka allah re faiz
nisbaten hain zakhm-e-dil ko tir se
hoshyar o shokh be parwa khiram
bach ke meri khak daman gir se
ishq fani us pe apni ye bisat
khelti hain bijliyan taswir se