شور اب عالم میں ہے اس شعبدہ پرداز کا
عیش دہلویشور اب عالم میں ہے اس شعبدہ پرداز کا
چرخ بھی اک شعبدہ ہے جس سراپا ناز کا
سادہ روی قہر تھی اور اس پہ اب آیا ہے خط
دیکھیے انجام کیا ہوتا ہے اس آغاز کا
تیر ہووے جس کی مژگاں اور ہو ابرو کماں
دل نہ ہو قربان کیوں کر ایسے تیر انداز کا
اس کے شاہین نگہ کو طائر دل کے لیے
پنجۂ مژگاں نہیں گویا ہے چنگل باز کا
عیشؔ مجھ کو بے پر و بالی پر پرواز ہے
میں نہیں محتاج کچھ بال و پر پرواز کا
shor ab alam mein hai is shobada pardaz ka
charkh bhi ik shobada hai jis sarapa naz ka
sada rawi qahr thi aur us pe ab aya hai khat
dekhiye anjam kya hota hai is aghaz ka
tir howe jis ki mizhgan aur ho abru kaman
dil na ho qurban kyun kar aise tir andaz ka
us ke shahin-e-nigah ko tair-e-dil ke liye
panja-e-mizhgan nahin goya hai changul baz ka
aish mujh ko be par-o-bali par-e-parwaz hai
main nahin mohtaj kuchh bal-o-par-e-parwaz ka