شوق خراش خار مرے دل میں رہ گیا

شوق خراش خار مرے دل میں رہ گیا

پائے‌ تلاش پہلی ہی منزل میں رہ گیا

میں زمزمہ سرا تو چمن سے گیا ولے

افسانہ اک گروہ عنادل میں رہ گیا

زنجیر موج پاؤں میں آ کر لپٹ گئی

طوفانیوں کا دھیان ہی ساحل میں رہ گیا

تصویر اس کی کیسے کھنچی مانیٔ خیال

حیران جس کی شکل و شمائل میں رہ گیا

کام اپنا تو تمام کیا یاس نے ہوسؔ

جی اشتیاق خنجر قاتل میں رہ گیا

shauq-e-kharash-e-khar mire dil mein rah gaya

pae talash pahli hi manzil mein rah gaya

main zamzama sara to chaman se gaya wale

afsana ik giroh-e-anadil mein rah gaya

zanjir mauj paon mein a kar lipat gai

tufaniyon ka dhyan hi sahil mein rah gaya

taswir us ki kaise khinchi mani-e-khayal

hairan jis ki shakl-o-shamail mein rah gaya

kam apna to tamam kiya yas ne hawas

ji ishtiyaq khanjar-e-qatil mein rah gaya