شمع رو عاشق کو اپنے یوں جلانا چاہیئے

شمع رو عاشق کو اپنے یوں جلانا چاہیئے

کچھ ہنسانا چاہیئے اور کچھ رلانا چاہیئے

زندگی کیونکر کٹے بے شغل اس پیری میں آہ

تم کو اب اس نوجواں سے دل لگانا چاہیئے

اس میں سب راز نہاں ہو جائیں گے ہم پر عیاں

پھر اسے اک بار گھر اپنے بلانا چاہیئے

پھر یہ ممکن ہے کہ میرے پاس تو اک دم رہے

کچھ نہ کچھ اے یار بس تجھ کو بہانا چاہیئے

گو بہت ہوشیار عاشق اے پری رو ہیں ترے

لیکن ان میں ایک غمگیںؔ سا دوانہ چاہیئے

shama ro ashiq ko apne yun jalana chahiye

kuchh hansana chahiye aur kuchh rulana chahiye

zindagi kyunkar kate be shaghl is piri mein ah

tum ko ab is naujawan se dil lagana chahiye

is mein sab raz-e-nihan ho jaenge ham par ayan

phir use ik bar ghar apne bulana chahiye

phir ye mumkin hai ke mere pas to ik dam rahe

kuchh na kuchh ai yar bas tujh ko bahana chahiye

go bahut hoshyar ashiq ai pari ru hain tire

lekin un mein ek ghamgin sa diwana chahiye