شور ہے اس سبزۂ رخسار کا

شور ہے اس سبزۂ رخسار کا

آج طوطی بولتا ہے یار کا

کس ادا سے ہاتھ رکھا قبضے پر

پڑ گیا پتلی میں دم تلوار کا

اشک بے تاثیر سے ہوں آب آب

عقدہ ہوں میں آنسوؤں کے تار کا

بجھ گیا میرا چراغ زندگی

دیکھ کر وہ قمقمہ رخسار کا

کس مرض کی ہے دوا عناب لب

خط‌ رخ نسخہ ہے کس بیمار کا

اب کی ایسی ہار ہے فصل بہار

گل ہے بتخالہ زبان خار کا

ابروئے غلماں ہے وہ محراب در

زلف حورا سایہ ہے دیوار کا

لینے والے لے گئے ہوش و حواس

بک گیا سودا مرے بازار کا

جب میں نکلا خلق نے گھیرا مجھے

میرا سودا قرض ہے بازار کا

جوۓ جنت ہے چہرے صیاد کی

میری گردن پر ہے حق گلزار کا

آب کاری کی ہو خدمت بحرؔ کو

نا خدا ہے کشتیٔ میخوار کا

shor hai is sabza-e-rukhsar ka

aj tuti bolta hai yar ka

kis ada se hath rakha qabze par

par gaya putli mein dam talwar ka

ashk-e-be tasir se hun ab ab

uqda hun main ansuon ke tar ka

bujh gaya mera charagh-e-zindagi

dekh kar wo qumquma rukhsar ka

kis maraz ki hai dawa unnab lab

khat-e-rukh nuskha hai kis bimar ka

ab ki aisi har hai fasl-e-bahar

gul hai butkhala zaban-e-khar ka

abru-e-ghilman hai wo mehrab-e-dar

zulf-e-hora saya hai diwar ka

lene wale le gae hosh-o-hawas

bik gaya sauda mire bazar ka

jab main nikla khalq ne ghera mujhe

mera sauda qarz hai bazar ka

ju-e-jannat hai chehre sayyad ki

meri gardan par hai haq gulzar ka

ab kari ki ho khidmat bahr ko

na khuda hai kashti-e-maikhwar ka