شوخی نے تیری لطف نہ رکھا حجاب میں

شوخی نے تیری لطف نہ رکھا حجاب میں

جلوے نے تیرے آگ لگائی نقاب میں

وہ قطرہ ہوں کہ موجۂ دریا میں گم ہوا

وہ سایہ ہوں کہ محو ہوا آفتاب میں

اس صوت جاں نواز کا ثانی بنا نہیں

کیا ڈھونڈتے ہو بربط و عود و رباب میں

پوچھی تھی ہم نے وجہ ملاقات مدعی

اک عمر ہو گئی انہیں فکر جواب میں

لڑتی نہ جائے آنکھ جو ساقی سے شیفتہؔ

ہم کو تو خاک لطف نہ آئے شراب میں

shokhi ne teri lutf na rakha hijab mein

jalwe ne tere ag lagai naqab mein

wo qatra hun ke mauja-e-dariya mein gum hua

wo saya hun ke mahw hua aftab mein

is saut-e-jan nawaz ka sani bana nahin

kya dhundte ho barbat-o-ud-o-rabab mein

puchhi thi ham ne wajh-e-mulaqat muddai

ik umr ho gai unhen fikr-e-jawab mein

larti na jae ankh jo saqi se shefta

ham ko to khak lutf na ae sharab mein