شغل بہتر ہے عشق بازی کا

شغل بہتر ہے عشق بازی کا

کیا حقیقی و کیا مجازی کا

ہر زباں پر ہے مثل شانہ مدام

ذکر تجھ زلف کی درازی کا

آج تیری بھواں نے مسجد میں

ہوش کھویا ہے ہر نمازی کا

گر نئیں راز عشق سوں آگاہ

فخر بے جا ہے فخر رازی کا

اے ولیؔ سرو قد کو دیکھوں گا

وقت آیا ہے سرفرازی کا

shaghl behtar hai ishq bazi ka

kya haqiqi-o-kya majazi ka

har zaban par hai misl-e-shana mudam

zikr tujh zulf ki darazi ka

aj teri bhuwan ne masjid mein

hosh khoya hai har namazi ka

gar nain raz-e-ishq sun agah

fakhr-e-be ja hai fakhr razi ka

ai wali sarw qad ko dekhunga

waqt aya hai sarfarazi ka