شاید رخ حیات سے سرکے نقاب اور

شاید رخ حیات سے سرکے نقاب اور

بھر دو مرے سبو میں شراب گلاب اور

ہوگی مرے سبو سے نمود ہزار صبح

ابھریں گے اس افق سے ابھی آفتاب اور

آتی ہے کوئے دار و رسن سے صدا ہنوز

آئے ادھر جو ہے کوئی خانہ خراب اور

مخمور بوئے زلف نہ آئیں گے ہوش میں

چھڑکے ابھی نسیم بہاراں گلاب اور

اے وارثان سطوت پرویز ہوشیار

دامان وقت میں ہیں ابھی انقلاب اور

آئی ظفرؔ جو رات زباں پر حدیث دوست

ناگاہ بڑھ گئی مرے جوہر کی آب اور

shayad rukh-e-hayat se sarke naqab aur

bhar do mire subu mein sharab-e-gulab aur

hogi mire subu se numud-e-hazar subh

ubhrenge is ufuq se abhi aftab aur

ati hai ku-e-dar-o-rasan se sada hanoz

ae idhar jo hai koi khana kharab aur

makhmur bu-e-zulf na aenge hosh mein

chhirke abhi nasim-e-baharan gulab aur

ai warisan satwat-e-parwez hoshyar

daman-e-waqt mein hain abhi inqilab aur

ai zafar jo rat zaban par hadis dost

nagah barh gai mire jauhar ki ab aur