شب جوش گریہ تھا مجھے یاد شراب میں

شب جوش گریہ تھا مجھے یاد شراب میں

تھا غرق میں تصور آتش سے آب میں

یا رب وہ خواب حق میں مرے خواب مرگ ہو

آوے وہ مست خواب اگر میرے خواب میں

یا رب یہ کس نے چہرے سے الٹا نقاب جو

سو رخنے اب نکلنے لگے آفتاب میں

کیا عقل محتسب کی کہ لایا ہے کھینچ کر

سودا زدوں کو محکمۂ احتساب میں

ہم جان و دل کو دے چکے موہوم امید پر

اب ہو سو ہو ڈبو دے یہ کشتی شراب میں

کچھ بھی لگی نہ رکھی ڈبو دی رہی سہی

دل کو نہ ڈالنا تھا سوال و جواب میں

الفت میں ان کی اب تو ہے جانوں کی پڑ گئی

دل کس شمار میں ہے جگر کس حساب میں

تھے جستجو میں روز ازل جائے درد کی

آیا پسند دل مرا اس انتخاب میں

shab josh-e-girya tha mujhe yad-e-sharab mein

tha gharq mein tasawwur-e-atish se ab mein

ya rab wo khwab haq mein mire khwab-e-marg ho

awe wo mast-e-khwab agar mere khwab mein

ya rab ye kis ne chehre se ulta naqab jo

so rakhne ab nikalne lage aftab mein

kya aql mohtasib ki ke laya hai khinch kar

sauda zadon ko mahkama-e-ehtisab mein

ham jan-o-dil ko de chuke mauhum umid par

ab ho so ho dubo de ye kashti sharab mein

kuchh bhi lagi na rakhi dubo di rahi sahi

dil ko na dalna tha sawal-o-jawab mein

ulfat mein un ki ab to hai janon ki par gai

dil kis shumar mein hai jigar kis hisab mein

the justuju mein roz-e-azal jae dard ki

aya pasand dil mira is intikhab mein