سینے کا اب تک ہے زخم آلا میاں

سینے کا اب تک ہے زخم آلا میاں

ہے انی مژگاں کی یا بھالا میاں

کس زمانے کی یہ دشمن تھی مری

اس محبت کا ہو منہ کالا میاں

عشق میں تیرے لٹے سب در اشک

ایسی ور خرچی نے گھر گھالا میاں

جو بساط اپنی میں تھا ہوش و خرد

جھوکا جھولی میں ترے لالا میاں

عشق کے زیور کو آنسو مت کہو

موتیوں کی ہے یہ گل مالا میاں

کھول پٹ گھونگھٹ کا دکھلایا جمال

میرے طالع کا کھلا تالا میاں

سرو بالا کو ترے تو دیکھ کر

ہو گئی دنیا تہ و بالا میاں

نیکی میری اور بدی اپنی کو جان

سب بدی کو اپنی تو ڈھالا میاں

ٹالا، بالا اظفریؔ کو دے گئے

کان کا اپنے دکھا بالا میاں

sine ka ab tak hai zakhm ala miyan

hai ani mizhgan ki ya bhala miyan

kis zamane ki ye dushman thi miri

is mohabbat ka ho munh kala miyan

ishq mein tere lute sab dar-e-ashk

aisi war kharchi ne ghar ghilla miyan

jo bisat apni mein tha hosh-o-khirad

jhoka jholi mein tire lala miyan

ishq ke zewar ko ansu mat kaho

motiyon ki hai ye gul mala miyan

khol pat ghunghat ka dikhlaya jamal

mere tale ka khula tala miyan

sarw bala ko tire to dekh kar

ho gai duniya tah-o-bala miyan

neki meri aur badi apni ko jan

sab badi ko apni to dhala miyan

tala, bala azfari ko de gae

kan ka apne dikha bala miyan