شاہد غیب ہویدا نہ ہوا تھا سو ہوا

شاہد غیب ہویدا نہ ہوا تھا سو ہوا

حسن پر آپ نے شیدا نہ ہوا تھا سو ہوا

غمزۂ شوخ سیہ مست ترا مژگاں سے

قتل عاشق پہ صف آرا نہ ہوا تھا سو ہوا

ہنس کے وہ غنچہ دہن میری جگر خواری پر

کہہ دیا تیرا دلاسا نہ ہوا تھا سو ہوا

رشتۂ صاف نگہ میں ہو مسلسل آنسو

سینۂ یار میں مالا نہ ہوا تھا سو ہوا

سر سوداؔ پہ ترے شعر رسا سے آگاہؔ

سلسلہ حشر کا برپا نہ ہوا تھا سو ہوا

shahid-e-ghaib huwaida na hua tha so hua

husn par ap ne shaida na hua tha so hua

ghamza-e-shokh-e-siyah mast tira mizhgan se

qatl-e-ashiq pe saf ara na hua tha so hua

hans ke wo ghuncha dahan meri jigar khwari par

kah diya tera dilasa na hua tha so hua

rishta-e-saf nigah mein ho musalsal ansu

sina-e-yar mein mala na hua tha so hua

sar-e-sauda pe tire sher rasa se agah

silsila hashr ka barpa na hua tha so hua