آہ کرنا دل حزیں نہ کہیں

آہ کرنا دل حزیں نہ کہیں

آگ لگ جائے گی کہیں نہ کہیں

مرے دل سے نکل کے دنیا میں

چین سے حسرتیں رہیں نہ کہیں

بے حجابی نگاہ الفت کی

دیکھے وہ شرمگیں کہیں نہ کہیں

آ گئے لب پہ دل نشیں نالے

جا ہی پہنچیں گے اب کہیں نہ کہیں

ہم سمجھتے ہیں حضرت بیخودؔ

چوٹ کھا آئے ہو کہیں نہ کہیں

ah karna dil-e-hazin na kahin

ag lag jaegi kahin na kahin

mire dil se nikal ke duniya mein

chain se hasraten rahen na kahin

be hijabi nigah-e-ulfat ki

dekhe wo sharmgin kahin na kahin

a gae lab pe dil nashin nale

ja hi pahunchenge ab kahin na kahin

ham samajhte hain hazrat-e-bekhud

chot kha ae ho kahin na kahin