شراب ناب کو منہ سے ذرا لگا واعظ

شراب ناب کو منہ سے ذرا لگا واعظ

مے طہور کا میں وصف سن چکا واعظ

تری طرح نہیں توڑا کبھی کسی کا دل

جو ہم نے توڑی بھی توبہ تو کیا ہوا واعظ

میں جانتا ہوں حقیقت بہشت و دوزخ کی

خدا کے واسطے باتیں نہ تو بنا واعظ

گناہگار ہیں ہم ذات ہے غفور اس کی

خدا خدا کر ارے تو نہیں خدا واعظ

sharab-e-nab ko munh se zara laga waiz

mai tahur ka main wasf sun chuka waiz

tiri tarah nahin tora kabhi kisi ka dil

jo ham ne tori bhi tauba to kya hua waiz

main janta hun haqiqat bahisht-o-dozakh ki

khuda ke waste baten na to bana waiz

gunahgar hain ham zat hai ghafur us ki

khuda khuda kar are to nahin khuda waiz