شری کرشن

ہیں جسودھا کے لئے زینت آغوش کہیں

گوپیوں کے بھی تصور سے ہیں روپوش کہیں

دوارکا جی کا بسانا تو مبارک لیکن

کر نہ دیں برج کی گلیوں کو فراموش کہیں

کھا کے تندل کہیں اعزاز سداما کو دیا

ساگ خوش ہو کے بدر جیؔ کا کیا نوش کہیں

خود بچن دے کے جراؔ سندھ سے رن میں بھاگے

رہے بد گوئی ششپال پہ خاموش کہیں

دوارکا دھیش کہیں بن کے مکٹ سر پہ رکھا

کالی کملی رہی جنگل میں سردوش کہیں

گوپیاں سن کے مرلیا ہوئیں ایسی بیتاب

گر گئے ہار کہیں رہ گئی پاپوش کہیں

مدھ بھرے نین سے آنکھیں نہ ملاؤ کیفیؔ

لوگ مشہور نہ کر دیں تمہیں مے نوش کہیں

hain jisodha ke liye zinat-e-aghosh kahin

gopiyon ke bhi tasawwur se hain ruposh kahin

dawaruka ji ka basana to mubarak lekin

kar na den burj ki galiyon ko faramosh kahin

kha ke tandil kahin ezaz sadama ko diya

sag khush ho ke badar ji ka kiya nosh kahin

khud bachan de ke jura sandh se ran mein bhage

rahe bad goi shashpal pe khamosh kahin

dawaruka dhesh kahin ban ke mukat sar pe rakha

kali kamli rahi jangal mein sardosh kahin

gopiyan sun ke marliya huin aisi betab

gir gae har kahin rah gai paposh kahin

madh bhare nain se ankhen na milao kaifi

log mashhur na kar den tumhen mai nosh kahin