آگے بڑھے نہ قصۂ عشق بتاں سے ہم

آگے بڑھے نہ قصۂ عشق بتاں سے ہم

سب کچھ کہا مگر نہ کھلے راز داں سے ہم

اب بھاگتے ہیں سایۂ عشق بتاں سے ہم

کچھ دل سے ہیں ڈرے ہوئے کچھ آسماں سے ہم

ہنستے ہیں اس کے گریۂ بے اختیار پر

بھولے ہیں بات کہہ کے کوئی راز داں سے ہم

اب شوق سے بگڑ کے ہی باتیں کیا کرو

کچھ پا گئے ہیں آپ کے طرز بیاں سے ہم

جنت میں تو نہیں اگر یہ زخم تیغ عشق

بدلیں گے تجھ کو زندگیٔ جاوداں سے ہم

age barhe na qissa-e-ishq-e-butan se ham

sab kuchh kaha magar na khule raz dan se ham

ab bhagte hain saya-e-ishq-e-butan se ham

kuchh dil se hain dare hue kuchh asman se ham

hanste hain us ke girya-e-be ikhtiyar par

bhule hain bat kah ke koi raz dan se ham

ab shauq se bigar ke hi baten kiya karo

kuchh pa gae hain ap ke tarz-e-bayan se ham

jannat mein to nahin agar ye zakhm-e-tegh-e-ishq

badlenge tujh ko zindagi-e-jawedan se ham